Emilin baş məşqçisi qovuldu

Milli komandamızın qapıçısı Emil Balayevin çıxış etdiyi "Tobol" klubunun baş məşqçisi Vladimir Qazzayev istefaya göndərilib.

SİA xəbər verir ki, bu barədə Kostanay təmsilçisinin rəsmi saytı məlumat yayıb. Qərarın klubun yeni inkişaf strategiyası ilə bağlı olduğu bildirilir. Rusiyalı mütəxəssislə yanaşı, köməkçisi Nikolay Latışla da yollar ayrılıb.

Qeyd edək ki, Qazzayevin qovulmasına əsas səbəb kimi "Tobol"un Avropa Liqasının birinci təsnifat mərhələsində Lüksemburq "Jeness"inə uduzaraq, mübarizəni dayandırması göstərilir.

Bütün xəbərlər Facebook səhifəmizdə

loading...