Sesk Fabreqas "Monako"dan ayrıla bilər. "France Football" nəşrinin yazdığına görə, Fransa klubu qışda heyətinə qatdığı ispan yarımmüdafiəçini satmaq istəyir. Knyazlıq təmsilçisi həm bu satışdan pul qazanmaq, həm də 32 yaşlı futbolçuya ödənilən yüksək maaşdan (aylıq 600 min avro) yaxa qurtarmaq üçün onu transferə çıxarmağı düşünür. Ancaq hələlik təcrübəli oyunçu ilə bağlı kluba hər hansı təklifin gəlmədiyi bildirilir. Qeyd edək ki, Fabreqas "Monako"ya "Çelsi"dən keçib.

Bütün xəbərlər Facebook səhifəmizdə