Voleybolçularımız Belarusda təlim-məşq toplanışına başlayıb

Bu gün qadın voleybolçulardan ibarət Azərbaycan milli komandası Belarusda təlim-məşq toplanışına start verib. Azərbaycan Voleybol Federasiyasının mətbuat xidmətindən SİA-ya verilən məlumata görə, Qızıl Avropa Liqasına son hazırlığını davam etdirən yığmamız tam heyətlə təlim-məşq toplanışı keçirir. On dörd voleybolçu ilə hazırlıq keçən millimiz Minskdə Belarus yığması ilə iki yoldaşlıq görüşü keçirəcək. Mayın 26-da isə voleybolçularımız Qızıl Avropa Liqası çərçivəsində Belarus millisi ilə qarşılaşacaqlar.

Belarusda komandamıza qoşulan italiyalı mütəxəssislərdən ibarət məşqçi heyəti Qızıl Avropa Liqası, Olimpiya təsnifat turnirində və Avropa çempionatında yığmamıza köməklik edəcək.

Bütün xəbərlər Facebook səhifəmizdə