UEFA Çempionlar Liqasının yarımfinal mərhələsində ikinci cütlüyün cavab oyunu keçirilib.
SİA-nın məlumatına görə, Amsterdamda "Ayaks" və "Tottenhem" komandaları üz-üzə gəlib.
Londondakı ilk görüşdə qalib gələn hollandlar minimal hesablı üstünlükdən yararlana bilməyiblər. İlk hissədə “Ayaks”ın 2:0 hesabı ilə üstün olmasına baxmayaraq, ikinci hissədə qonaqların yarımmüdafiəçisi Lukas Moura 3 qol vuraraq komandasına möhtəşəm qələbə qazandırıb.
Qeyd edək ki, "Tottenhem" finalda "Liverpul"la üz-üzə gələcək. Final matçı iyunun 1-də Madriddəki "Vanda Metropolitano" stadionunda keçiriləcək.
"Ayaks" (Hollandiya) - "Tottenhem" (İngiltərə) - 2:3
Qollar: De Liqt, 5 (1:0), Zieş, 35 (2:0), L.Moura, 55, (2:1), 59 (2:2), 90+6 (2:3)
İlk oyun - 1:0
Bütün xəbərlər Facebook səhifəmizdə
USD
EUR
GBP
RUB