Sem Smit 2019 Formula 1 SOCAR Azərbaycan Qran Prisində Bakıda konsert proqramı ilə çıxış edə bilməyəcək. Bu haqda SİA-ya Bakı Şəhər Halqası Əməliyyat Şirkətidən (BŞH) məlumat verilib.
Qeyd olunub ki, ötən həftə Cənubi Afrika turunu yarıda kəsən britaniyalı müğənni konsert proqramlarına qısa fasilə verdikdən sonra tibb mütəxəssislərinin məsləhətinə əsasən növbəti konsert proqramlarını da ləğv etməli olub.
Nəticə etibarilə, Sem Smit bu həftə Bakıda çıxış edə bilməyəcək. Sağlamlığı hər şeydən vacib sayan BŞH musiqiçinin tam sağalması üçün atdığı bu addımı anlayışla qarşılayır və onu dəstəkləyir.
“Onu da yaxşı başa düşürük ki, bu xəbər Sem Smitin Bakıdakı azarkeşlərini məyus edəcək. Buna görə də bildirmək istərdik ki, Formula 1 SOCAR Azərbaycan Qran Prisininin hər bir tamaşaçısının möhtəşəm həftəsonu yaşamağını təmin etmək üçün təklif etdiyimiz digər əyləncə proqramları hələ də qüvvədədir.
Sem Smitə şəfalar diləyir və onu tezliklə Bakıda görməyi arzulayırıq”,- deyə BŞH-dən bildirib.
Bütün xəbərlər Facebook səhifəmizdə
USD
EUR
GBP
RUB