Futbol tarixinin ən yaxşı 50 məşqçisinin adı açıqlandı

"France Football" nəşri futbol tarixinin ən yaxşı 50 məşqçisinin adını açıqlayıb. Fransa mətbuatının yazdığına görə, siyahıya "Ayaks" və "Barselona"nın sabiq çalışdırıcısı Rinus Mixels başçılıq edir. İkinci sırada 1986-2013-cü illərdə "Mançester Yunayted"i çalışdırmış Aleks Fergüsson yer alıb. İlk üçlüyü "Milan"ın keçmiş baş məşqçisi Arriqo Sakki tamamlayır.
Hazırkı mütəxəssislərdən "Top-10"na yalnız "Mançester Siti"dən Xosep Qvardiola (5-ci yer) və "Napoli"dən Karlo Ançelotti (8-ci yer) daxil ola bilib. Əfsanəvi məşqçi Valeri Lobonovski isə 6-cı yerə layiq görülüb. Joze Mourinyo, Fabio Kapello, Yurgen Klopp, Zinəddin Zidan, Arsen Venger və Dieqo Simeone kimi çalışdırıcılar isə ilk 10-luqdan kənarda qalıblar.

Qeyd edək ki, reytinq cədvəlinin hazırlanmasında məşqçilərin klubları ilə qazandıqları uğurlar, onların irsi, şəxsi keyfiyyətləri və karyeralarının müddəti nəzərə alınıb.

Bütün xəbərlər Facebook səhifəmizdə

loading...