Mövsümün 150-ci qolu, Eminin ilk dublu

Topaz Premyer Liqasında 2018/19 mövsümünün 150-ci qolu vurulub. SİA-nın məlumatına görə, bu qola “Neftçi” - “Keşlə” qarşılaşmasında hesabı açan Emin Mahmudov imza atıb.

Xatırladaq ki, mövsümdə ilk qolu I turun “Sumqayıt”la oyununda (2:0) “Neftçi”nin futbolçusu Mirabdulla Abbasov, 50-ci qolu “Səbail”lə VI turda (4:0) onun komanda yoldaşı Dario Frederiko vurub. 100-cü top isə XI turun “Qəbələ” - “Qarabağ” görüşündə (1:3) hesabı açan meydan sahiblərinin futbolçusu Ceyms Adeniyinin aktivinə yazılıb.

Qeyd edək ki, “Keşlə” ilə qarşılaşmada komandasının hər iki qoluna imza atan E.Mahmudov karyerasında ilk dublu rəsmiləşdirib.

Bütün xəbərlər Facebook səhifəmizdə

loading...