"Kasımpaşa" bütün futbolçuları ilə müqaviləni yeniləyib!

Türkiyənin "Kasımpaşa" futbol klubu maraqlı addım atıb. Klubun saytında yer alan məlumatda deyilir ki, İstanbul təmsilçisi bütün futbolçuları ilə müqaviləni 2021-ci ilə qədər uzatdığını açıqlayıb. Bildirilib ki, cari mövsümdə Türkiyə Super Liqasının ən çox qol vuran və ən az kart görən komandası artıq azarkeşinə daha gözəl futbol üçün enerjisini xərcləyəcək.

Qeyd edək ki, "Kasımpaşa" 15 oyundan sonra turnir cədvəlində 26 xalla ikinci pillədə qərarlaşıb. Mustafa Denizlinin baş məşqçilik etdiyi kollektiv 15 tur ərzində 31 qol vurub.

Bütün xəbərlər Facebook səhifəmizdə