Messi yenidən Argentina millisinə qayıdır?

"Barselona"nın kapitanı Lionel Messi Argentina Futbol Federasiyasının prezidenti Klaudio Tapiye ilə görüşüb. "Goal.com"un yaydığı xəbərə görə, Madriddəki görüşdə argentinalı superulduzun milli komandaya qayıtması məsələsi müzakirə olunub. İddiaya görə, 31 yaşlı futbolçunun yenidən yığmanın formasını geyinməsini istəyən federasiya rəhbərliyi onun bu barədə nə düşündüyü ilə maraqlanıb. Bir neçə saat çəkən görüşün digər təfərrüatları açıqlanmayıb.
Qeyd edək ki, Messi sonuncu dəfə bu ilin yayında Rusiyada keçirilən dünya çempionatının 1/8 finalının Fransa ilə oyununda (3:4) Argentina millisinin formasını geyinib.

Bütün xəbərlər Facebook səhifəmizdə