Sloveniyalı cüdoçu: “Bakıda dünya çempionatı yüksək səviyyədə təşkil edilib” - AÇIQLAMA

“Bakıda dünya çempionatı yüksək səviyyədə təşkil edilib”. Bunu SİA-ya açıqlamasında Milli Gimnastika Arenasında keçirilən cüdo üzrə dünya çempionatının iştirakçısı sloveniyalı cüdoçu Marusa Stanqar (48 kq) deyib.

Azərbaycana ilk dəfədir gəldiyini bildirən idmançı burada olmaqdan məmnunluğunu ifadə edib: “Bakı çox xoşuma gəlir. Burada insanlar qonaqpərvərdirlər. Milli Gimnastika Arenasında dünya çempionatının təşkili üçün yüksək şərait yaradılıb”.

Cüdoçu yarışda iştirakı haqqında da danışıb: “Təsəlliverici görüşdə qazaxıstanlı idmançıya uduzdum. Gərgin mübarizə oldu. Məğlub olsam da, rəqibimə uğurlar arzulayıram”.

O, cüdo üzrə Azərbaycan millisinin güclü olduğunu, idmançılarımızın mükafatlar uğrunda mübarizə aparacağını qeyd edib.

Müəllif: Elgün Vidadioğlu

Bütün xəbərlər Facebook səhifəmizdə

loading...