Joze Mourinyo: "Mundialda iştirak etmək istəyirəm"

"Matçester Yunayted"in baş məşqçisi Joze Mourinyo dünya çempionatı ilə bağlı danışıb. SİA-nın məlumatına görə, portuqaliyalı mütəxəssis dünya çempionatında iştirak etmək arzusunu ifadə edib: "Bir dəfə də olsa, mundialda iştirak etmək istəyirəm. Ancaq Rusiyaya gəldikdən sonra emosiyalarım daha da gücləndi. İndi daha da artığını istəyirəm. Heç vaxt belə qısamüddətli turnirlərin bir parçası olmamışam. Adətən, iştirak etdiyimiz turnirlər 11 ay davam edir. Bir gün özümü mundialda və ya Avropa çempionatında yoxlamaq pis olmaz. Gələcəkdə məşqçi kimi dünya çempionatına qatılmaq kimi bir istəyim var. Öz ölkəmin yığmasını çalışdırmaq istəyərəm. "Porto"da Çempionlar Liqasını qazananda yaşadığım hisslər "İnter"dəkindən çox fərqli idi. Nə vaxt yığma komanda çalışdıracağımı dəqiq bilmirəm, ancaq bu, mütləq baş verəcək”.

Bütün xəbərlər Facebook səhifəmizdə