Şəhriyar Məmmədyarov: "Maqnus şahmatla yanaşı, futbolu da yaxşı oynayır"

Vüqar Həşimovun xatirəsinə həsr olunan "ShamkirChess-2018" superturnirinin VI turunda Azərbaycan şahmatçısı Şəhriyar Məmmədyarov Çin təmsilçisi Dinq Lirenlə heç-heçə oynayıb. SİA-nın məlumatına görə, qara fiqurlarla oynayan Ş.Məmmədyarov partiyadan sonra mətbuat konfransında jurnalistlərin suallarını cavablandırıb: "Berlindəki oyunu unutmamışam. Sadəcə indi fərqli vəziyyətdir. İddiaçılar Turnirində Lirenə uduzduğum partiyada ağ fiqurlarla oynayırdım. Berlində yalnız qələbə haqqında düşünürdüm. İndi qara fiqurlarla oynayırdım, ona görə heç-heçə normal nəticədir. Yeni debüt seçimi etdim, sadəcə üstünlük qazana bilmədim. Rəqib çox ehtiyatlı oynayırdı. Ona görə də səhvlər demək olar ki, olmadı. Bununla belə qarşıdakı turlara daha ciddi hazırlaşacağam. Çünki hələ turnir cədvəlində çox şey dəyişə bilər".

İstirahət günü barədə danışan Ş.Məmmədyarov futbol yarışında finalda uduzduqları "Dünya yığması"nın heyəti haqda fikrilərini bildirib: "Futbol çox maraqlı anlarla yadda qaldı. İlk görüşdə təşkilatçılardan formalaşan komandanı 8:0 hesabıy ilə məğlub etdik. Sonradan finalda "Dünya yığma"sına qarşı oynadıq. Yorğunluq təsirsiz ötüşmədi. Əgər ilk görüşdə əcnəbi şahmatçılarla qarşılaşsaydıq, onları məğlub edəcəkdik. Finala gücümüz qalmadı. Həm də bizim heyətdə orta yaşlı oyunçular çox idi. Finalda 1:2 hesabıyla uduzduq. Rəqib komandada Dinq Liren, Denis Xismatulin və təbii ki, Maqnus Karlseni xüsusi qeyd edərdim. Maqnus şahmatla yanaşı, futbolu da yaxşı oynayır".

Bütün xəbərlər Facebook səhifəmizdə