Türkiyənin “Başakşəhər” klubu yeni transferi Arda Turanı ictimaiyyətə təqdim edib. SİA-nın məlumatına görə, Türkiyə millisinin üzvü təqdimetmə mərasimində 2,5 illik müqaviləyə qol çəkib. İstanbul klubunun “Barselona”dan icarəyə götürdüyü 31 yaşlı yarımmüdafiəçi mövsümün sonuna qədər 2 milyon, növbəti mövsüm 4 milyon avro qazanacaq. Klubun prezidenti Göksel Gümüşdağ bildirib ki, icarəyə görə "Barselona"ya pul ödənilməyəcək.
Təqdimetmə mərasimində Arda Turan jurnalistlərin suallarını da cavablandırıb.
- Mövsümün ilk yarısında şans qazanmadın...
- Futbol oynamağı sevirəm. Meydana çıxmaq üçün çox darıxmışam. Buna görə də buradayam.
- "Başakşəhər"ə gəlişindən sonra çempionluğa daha iddialı oldunuz...
- Mən də düşünürəm ki, çempionluğa ən böyük namizədlərdən biri bizik. Hər oyunu həyatımızın final görüşü kimi düşünəcəyik. Çempionluğa inanırıq.
- Avropaya yenidən getmək niyyətin varmı?
- Avropaya "Başakəşəhər" formasıyla avrokuboklarda oynayaraq geri dönmək istəyirəm.
- "Qalatasaray"ın baş məşqçisi Fatih Terim sənin keçidinə münasibətində bildirib ki, heç kimlə problemim yoxdur. Bu barədə nə deyə bilərsən?
- Mənim də heç heç kəslə problemim yoxdur. Keçmişlə bağlı nəsə danışmaq istəmirəm. Önümüzdə yeni bir səhifə açaraq yeni bir yola çıxmaq istəyirəm.
- "Türkiyəyə dönsəm, "Qalatasaray"dan başqa komandada oynamaram" demişdin. Bu illər ərzində nə dəyişdi?
- Heç bir şey dəyişmədi. Cümləm "Klubum mənə qucaq açsa..." - deyə başlayırdı".
Bütün xəbərlər Facebook səhifəmizdə
.jpg)
USD
EUR
GBP
RUB
