Çempionlar Liqasının qrup mərhələsində keçiriləcək “Qarabağ” - “Çelsi” matçında açıqlacaq nəhəng xoreoqrafiya artıq hazırdır. SİA-nın məlumatına görə, Bakı Olimpiya Stadionunda keçiriləcək qarşılaşmada açılacaq xoreoqrafiyada böyük hərflərlə Qarabağ və Azərbaycan sözləri yazılacaq. Bundan başqa klub rəhbərliyi ingiliscə mesaj verməyi də planlaşdırıb.
Xoreoqrafiyada “Far away from home but where you belong” sözləri yazılan böyük pankart da açılacaq. Yəni “Evdən uzaq, amma aid olduğun yer”… Bu cümlə ilə də dünyaya Ağdamın işğal altında olması, bu səbəbdən “Qarabağ”ın doğma yurdundan didərgin düşməsi mesajı veriləcək.
Noyabrın 22-də keçiriləcək qarşılaşmada xoreoqrafiya mərkəzi tribunada nümayiş olunacaq ki, bu da 20 min azarkeşi əhatə edəcək. //Yenicag.az
Bütün xəbərlər Facebook səhifəmizdə
USD
EUR
GBP
RUB