Zlatan İbrahimoviç zədəsini tam sağaldıb

“Mançester Yunayted”in hücumçusu Zlatan İbrahimoviç sıraya dönüb. “The Sun” nəşri yazır ki, zədəsini tam sağaldan isveçli futbolçu məşqlərə başlayıb. İbrahimoviç hələ ki, məşqçilərin tərtib etdiyi xüsusi proqram əsasında hazırlıq keçir. “Mankunianlar”ın çalışdırıcısı Joze Mourinyo onu məşq zamanı ikili mübarizələrdən uzaq tutur.

36 yaşlı forvard apreldə ciddi zədə almışdı. Onun bərpa prosesi həkimlərin açıqladığı vaxtdan az çəkib.

Qeyd edək ki, “Mançester Yunayted”lə yeni 1 illik müqavilə imzalayan Zlatan İbrahimoviç ötən mövsüm “qırmızı-şeytanlar”ın heyətində 46 oyunda 28 qola imza atıb.

loading...