Zidan: "Quru hesablı qələbə yaxşı başlanğıcdır" AÇIQLAMA

Madrid "Real"ı Çempionlar Liqasının qrup mərhələsinin ilk turunda "Apoel" üzərində 3-0 hesablı qələbəyə sevinib. Ronaldonun dubl etdiyi oyunda, Ramos da fərqlənməyə imkan tapıb.

SİA-nın məlumatına görə, madridlilərin baş məşqçisi Zindəddin Zidan qələbəni şərh edib: "İlk hisssədə yaxşı oynadığmızı deyə bilmərəm. İkinci hissə isə istədiyimiz kimi keçdi. Belə turnirdə ilk oyunda quru hesablı qələbə yaxşı başlanğıcdır"

Fransalı mütəxəssis Ronaldonu tərifləməyi də unutmayıb: "Ronaldo bizim əsas oyunçularımızdan biridir. O lazımı anda lazım olan zərbəni endirməyi bacarır. Ronaldo dünyanın ən yaxşı futbolçusudur və bizim komandamızda olmasından məmnunuq".

Zidan Beylin yenidən əvvəlki formasına qayıdacağından da əminliyini ifadə edib: "Beyl zədə səbəbindən 4 aydan artıq meydandan uzaq qaldı. Bugünkü matçda isə universal oyunu ilə diqqət çəkdi. Onun oyunu alınanda daha güclü oluruq. Biz yaxın vaxtda yenidən əsl Beyli görəcəyik".

Bütün xəbərlər Facebook səhifəmizdə

loading...