Bakıda “Sektorlararası gənclər siyasətinin inkişafı və inkişaf edən icmaların gücləndirilməsi” adlı beynəlxalq tədbir keçirilib
Bakıda “Sektorlararası gənclər siyasətinin inkişafı və inkişaf edən icmaların gücləndirilməsi” adlı beynəlxalq tədbir keçirilib.
“Uğurlu Gələcək” İctimai Birliyi, Avropa Komissiyasının Təhsil, Audiovizual və Mədəniyyət üzrə İcraçı Agentliyinin maliyyə dəstəyi ilə reallaşan layihənin Azərbaycanda keçirilən hissəsini uğurla başa çatdırıb.
SİA xəbər verir ki, layihənin həyata keçirilməsində məqsəd Şərq Tərəfdaşlığı ölkələrinin gənclər təşkilatlarının gənc liderlərinin gənclər siyasətinə fəal təsir göstərməsi üçün praktik bacarıqlarını inkişaf etdirməkdir.
10 gün davam edən beynəlxalq tədbirdə Moldova, Türkiyə, Macarıstan və Azərbaycandan 29 iştirak edib. Tədbirdə gənc liderlərdən ibarət qruplar yaradılaraq, onlar üçün təlim kursları və interaktiv oyunlar keçirilib.
Sonda iştirakçı gənclərə Avropa Komissiyasının sertifikatı təqdim olunub.
Qeyd edək ki, layihənin digər hissəsi Maldova və Macarıstanda keçiriləcək. Bu tədbirlərdə yüzlərlə yerli və xarici gənclərin iştirakı nəzərdə tutulur.
Bütün xəbərlər Facebook səhifəmizdə
USD
EUR
GBP
RUB