Mənəvi Dəyərlərin Təbliği Fondunun dəstəyi və Lerik rayonu Lüləkəran kənd məscidi dini icmasının təşkilatçılığı ilə “Ailə mənəvi dəyərlərimizin tərkib hissəsidir” adlı layihə çərçivəsində “Erkən nikahlar ailə dəyərlərimizə təhlükədir” mövzusunda maarifləndirici tədbir keçirilib. SİA-nın məlumatına görə, tədbirdə Dini Qurumlarla İş üzrə Dövlət Komitəsinin (DQİDK) Lənkəran bölgəsi üzrə şöbəsinin müdiri Qağayı Məmmədov, Dövlət Komitəsinin Dini qurumlarla iş üzrə şöbəsinin əməkdaşı Anar Əliyev, Qafqaz Müsəlmanları İdarəsinin (QMİ) Lerik rayonu üzrə səlahiyyətli nümayəndəsi İlham Əliyev, Lüləkəran kənd məscidi dini icmasının sədri Rauf Əliyev, rayon gəncləri və ictimaiyyət nümayəndələri iştirak edib.
Çıxışlar zamanı milli-mənəvi dəyərlərimiz və onun tərkib hisssəsi olan ailə dəyərləri haqqında danışılıb. Erkən nikahlar və onların mənfi fəsadları tədbir iştirakçılarının diqqətinə çatdırılıb. Vurğulanıb ki, ölkəmizdə mövcud olan ailə dəyərlərini qoruyub saxlamaq olduqca vacibdir.
Sərraf Mirsəfəroğlu
Bütün xəbərlər Facebook səhifəmizdə
.jpg)
USD
EUR
GBP
RUB