"Prezident İlham Əliyevin imzaladığı sərəncamlar dövlətin vətəndaşlara olan qayğısının parlaq göstəricisidir"

"Azərbaycan Respublikasının Prezidenti İlham Əliyevin iyunun 18-də imzaladığı sərəncamlar dövlətin vətəndaşlara olan qayğısının parlaq göstəricisidir."

Bunu AZƏRTAC-a müsahibəsində Azərbaycan Milli Elmlər Akademiyasının İctimai Elmlər Bölməsinin akademik-katibi, akademik Nərgiz Axundova deyib. O bildirib ki, Prezident İlham Əliyevin apardığı siyasətinin mərkəzində Azərbaycan vətəndaşı dayanır. Dövlətimizin başçısının imzaladığı sərəncamlar hər bir vətəndaşın sosial müdafiəsinin gücləndirilməsinə və onlara dövlət qayğısının daha da artırılmasına xidmət edir. Ölkəmizdə aparılan iqtisadi islahatlar nəticəsində artan maliyyə imkanlarının mühüm sosial-iqtisadi layihələrə yönəldilməsi, ən əsası sosial siyasətin əsas tərkib hissəsi olaraq əməkhaqlarının mütəmadi artırılması əhalinin rifah halını yaxşılaşdırır.

Bütün xəbərlər Facebook səhifəmizdə

loading...