Mərdəkan qəsəbəsində növbəti səyyar qəbul

Xəzər Rayon İcra Hakimiyyətinin başçısı Elşən Salahovun Mərdəkan qəsəbəsi, Sahəddin Dadaşov 2,4,6,8 və Qurban İsmayılovev 1,3,5, binalarında yaşayan sakinlərlə səyyar qəbul-görüşü keçirilib. SİA-nın xəbərinə görə, səyyar görüşdə Millət Vəkili Rauf Əliyev, Xəzər Rayon İcra Hakimiyyəti başçısının müavinləri, Aparatın şöbə müdirləri, rayon üzrə fəaliyəət göstərən xidmət sahələrinin rəhbərləri, Mərdəkan qəsəbəsi İƏD üzrə nümayəndəsi, Bələdiyyə sədri və qəsəbə sakinləri iştirak ediblər.

RİH başçısı Elşən Salahov və Millət Vəkili Rauf Əliyev ilk olaraq şəhid Adil Hacıyevin yaşadığı binadakı xatirə lövhəsinin (barelyefinin) qarşısına gül dəstələri qoyaraq şəhidin xatirəsinə hörmət və ehtiramlarını bildiriblər. Sonra RİH başçısı sakinlər qarşısında çıxış edərək, Azərbaycan Respublikasının Prezidenti cənab İlham Əliyevin rəhbərliyi altında rayonda həyata keçirilən müxtəlif Dövlət proqramlarının uğurla icrası nəticəsində abadlıq-quruculuq, yenidən qurma işlərinin sürətlənməsi və rayon ərazisində, xüsusilə Mərdəkan qəsəbəsində həyata keçirilən əsaslı Infrastruktur layihələrdən, 2019-cu ilin əvvəlindən başlayaraq ölkəmizdə həyata keçirilən islahatlar, xüsusilə əhalinin rifahının daha da yaxşılaşmasına yönəlmiş tədbirlər barədə ətraflı məlumat verib. Sonra RİH başçısı və Millət Vəkili qəbulda iştirak edən sakinləri dinləyiblər. Qəbulda iştirak edən sakinlər çoxmənzilli yaşayış binalarının dam örtüklərinin və blokların təmiri, məhəllədaxili yolların asfaltlanması, içməli su və kanalizasiya, və digər sosial məsələlərlə bağlı rayon rəhbərinə müraciət ediblər.

Görüşdə iştirak edən Millət Vəkili Rauf Əliyev çıxış edərək, qəsəbə sakinlərini salamlayaraq, Azərbaycan Respublikasının Prezidenti cənab İlham Əliyevin rəhbərliyi ilə ölkədə aparlanlan sosial islahatların əhəmiyyətini qeyd edərək bildirdi ki, cənab Prezidentin həyata keçirdiyi siyasətin mərkəzində Azərbaycan vətəndaşı, onun sosial vəziyyətinin daha da yaxşılaşdırılması durur. Daha sonra Rauf Əliyev sakinləri maraqlandıran məsələlərə öz münasibətini bildirərək qeyd edib ki, bu görüşlərdə qaldırılan məsələlərin Rayon İcra Hakimiyyəti ilə birlikdə həll olunması istiqamətində tədbirlər görüləcək və bəzi məsələlərin həlli ilə bağlı müvafiq qrumlara müraciət olunacaq.

Qəbulda səslənən müraciətlər, təklif və rəylər dinlənildikdən sonra sakinlərə müvafiq izahatlar verilib, qaldırılan məsələlərin həlli istiqamətində əlaqədar qurum və təşkilat rəhbərlərinə yerindəcə tapşırıqlar verilib və onların həlli nəzarətə götürülüb. Sonra RİH başçısı E.Salahov və Millət Vəkili R.Əliyev sakinlərin şikayəti əsasında yaşayış binalarının girişlərinə birlikdə baxış keçiriblər. Sonda sakinlər əhalinin problemlərinin həlli istiqamətində həyata keçirilən tədbirlərə, göstərilən diqqət və qayğıya görə ölkə başçısına öz minnətdarlıqlarını bildiriblər.

Müəllif: Nailə Məhərrəmova

Bütün xəbərlər Facebook səhifəmizdə