Ramiz Rzayev: "Azərbaycanda hər 100 min nəfərə 6 hakim düşür"

Azərbaycanda hakimlərin sayı azdır. SİA-nın verdiyi məlumata görə, bunu Ali Məhkəmənin sədri Ramiz Rzayev KİV rəhbərləri ilə keçirilən görüşündə deyib.

Ali Məhkəmənin sədri bildirib ki, hazırda Azərbaycanda 540-550 hakim var: "Azərbaycan əhalisi isə təqribən 10 milyon nəfərdir. Avropa standartları ilə götürsək, Azərbaycanda hər 100 min nəfərə 6 hakim düşür. Avropa standartlarına görə, hər 100 min nəfərə 20 hakim düşməlidir".

R.Rzayev qeyd edib ki, 2017-ci ildə Azərbaycanın birinci instansiya məhkəmələrində 15 919 işə baxılıb: "Bunlardan 357 min mülki, 5000 iqtisadi, 27 min inzibati işlərdir. Ümumilikdə Azərbaycan məhkəmələrində 2017-ci ildə 389 580 işə baxılıb. 500 hakimin bu qədər işə baxması isə çətindir".

Ceyhun Rasimoğlu

Bütün xəbərlər Facebook səhifəmizdə