“2019-cu ilin büdcəsinə diqqət etdikdə demoqrafik vəziyyətə toxunmamaq mümkün deyil. Azərbaycanda demoqrafik göstəricilərimiz çox yüksəkdir. Əhalimiz cavandır. 15-64 yaş arasında olan əhalinin sayı 71 faiz, 71 yaşdan yuxarı olanların sayı isə təxminən 6.3 faiz təşkil edir”. SİA-nın xəbərinə görə, bunu əmək və əhalinin sosial müdafiəsi nazirinin müavini İdris İsayev Milli Məclisin Əmək və sosial siyasət komitəsinin iclasında “2019-cu il üçün yaşayış minimumu haqqında”, "2019-cu il üçün ehtiyac meyarının həddi haqqında”, "Dövlət Sosial Müdafiə Fondunun 2019-cu il büdcəsi haqqında” qanun layihələrinin müzakirəsi zamanı çıxış edərkən deyib.
Avropada 65 yaşdan yuxarı olanların sayının daha yüksək olduğunu deyən nazir müavini söyləyib ki, ölkəmizdə 65 yaşından yuxarı olan insanların arasında əmək qabiliyyətli olanların sayının çox olması bizim üçün mühüm sayılır: “Əmək qabiliyyətli əhali işləyən əhali deməkdir. İşləyən əhalinin sayı çox olduqda, o zaman pensiya sisteminin dayanıqlı daha yaxşı olar. Çünki sosial sığorta haqları bu insanlardan asılıdır. Əmək qabiliyyətli əhalinin 5 milyona çatacağı proqnozlaşdırılır”.
İ.İsayev qeyd edib ki, 2019-cu ildə əhalinin gəlirləri 9 faiz artacaq: “Növbəti ildə orta aylıq əmək haqqı 5,7 faiz artaraq 642 manata çatacaq”.
Bütün xəbərlər Facebook səhifəmizdə
.jpg)
USD
EUR
GBP
RUB