Bu tikililəri rəsmiləşdirən şəxslər mövcud landşaftı nəzərə almalı idilər BŞİH

Badamdar qəsəbəsi, Badamdar şosesindəki kəskin dağ yamacında baş vermiş sürüşmə zonasında yerləşən mövcud tikililər əsas etibarı ilə keçən əsrin 90-cı illərində tikilmiş fərdi yaşayış evləridir. Tikildikdən sonra bu tikililər vətəndaşlar tərəfindən rəsmiləşdirilib.

SİA-nın məlumatına görə, bu barədə Bakı Şəhər İcra Hakimiyyətinin açıqlamasında deyilir.

Açıqlamaya görə, yamacdakı tikililərin sahibləri və bu tikililəri rəsmiləşdirən şəxslər mövcud landşaftı nəzərə almalı idilər. Bu da onların üzərindən məsuliyyəti kənarlaşdırmır.

Məlumat üçün bildirək ki, Badamdar sürüşmə zonasında əksəriyyətində yaşayış olmayan 11 fərdi yaşayış evi var. Burada yaşayan sakinlər köçürülüb və ərazidəki 2 obyektin fəaliyyəti dayandırılıb.

Bütün xəbərlər Facebook səhifəmizdə

loading...