Dövlət İmtahan Mərkəzi builki yay imtahanında balların aşağı salınması ilə əlaqədar valideynin iddiasına münasibət bildirib. SİA-nın xəbərinə görə, şikayətlə əlaqədar jurnalistlərə açıqlama verən Dövlət İmtahan Mərkəzinin (DİM) Direktorlar Şurasının sədri Məleykə Abbaszadə bildirib ki, builki yay qəbul imtahanında 596 bal topladığını, lakin Dövlət İmtahan Mərkəzi tərəfindən onun imtahan nəticələrinin saxtalaşdırıldığını və bu səbəbdən də ali məktəbə qəbul ola bilmədiyini iddia edən abituriyent Əsgəri İbrahim Əli oğlunun valideynləri bu iddia ilə əlaqədar məhkəməyə müraciət etmədilər.
Onun sözlərinə görə, valideynlərin iddiaları tamamilə əsassız olub: "Məlum idi ki, bu bal məsələsi tamamilə qondarma məsələ idi. Valideynlər Dövlət İmtahan Mərkəzində mənim iştirakımla keçirilən mətbuat konfransında narazı qaldıqları üçün məhkəməyə müraciət edəcəklərini bildirmişdilər. Biz də bunu gözləyirdik, lakin onlar heç nə etmədilər. Çünki bu, yalan məlumat idi. Təəssüf ki, bəzi şəxslər bu prosesdən özlərini reklam etmək üçün istifadə edirlər. Buradan mediaya müraciət edərək bildirirəm ki, hansısa məlumatın araşdırılması üçün birbaşa DİM-ə, eyni zamanda, bunu Mərkəzin sosial şəbəkələrdəki səhifələrinə müraciət etmək olar. Biz hər zaman rəsmi mövqeyimizi bildiririk".
M. Abbaszadə açıqlamasında valideynlərə, abituriyentlərə müraciət hər hansı məsələ ilə əlaqədar Abituriyent jurnalına istinad etməyi və ya Mərkəzə müraciət etməyi tövsiyə edib.
Bütün xəbərlər Facebook səhifəmizdə
USD
EUR
GBP
RUB
