DMX-nin əməkdaşları üçün təlim təşkil olunub FOTO

Dövlət Miqrasiya Xidmətinin (DMX) Təlim-tədris mərkəzində Xidmətin əməkdaşları üçün vətəndaş məmnunluğunun təmin edilməsi ilə bağlı təlim təşkil edilib. DMX-dan SİA-ya verilən məlumata görə, kursun məqsədi Dövlət Miqrasiya Xidmətinə müraciət edən vətəndaşların, əcnəbilərin və vətəndaşlığı olmayan şəxslərin məmnunluğunun təmin edilməsi üçün əməkdaşların peşəkarlıqlarının, bilik və bacarıqlarının artırılmasıdır.

Kursa DMX-nin aparatı və regional miqrasiya idarələrinin vətəndaşların qəbulu və müraciətlərinə baxılması, eləcə də sərhəd buraxılış məntəqələrində miqrasiya şöbələrinin və bölmələrinin əməkdaşları cəlb edilib.

Qısamüddətli kursda vətəndaşların qəbulu və müraciətlərinə baxılması zamanı mövcud problemlər və onların aradan qaldırılması yolları, vətəndaş məmnuniyyəti və stressin idarə edilməsi, ünsiyyət zamanı etik davranış qaydaları müzakirə olunub.

Bütün xəbərlər Facebook səhifəmizdə