Hüseyn Cavidin anadan olmasının 136-cı ildönümü münasibətilə elmi konfrans keçiriləcək

Böyük şair və dramaturq Hüseyn Cavidin anadan olmasının 136-cı ildönümü münasibətilə oktyabrın 24-də Azərbaycan Milli Elmlər Akademiyasının Nizami Gəncəvi adına Ədəbiyyat İnstitutu və Hüseyn Cavidin Ev Muzeyi tərəfindən “Hüseyn Cavid və müasir gənclik” mövzusunda respublika elmi konfransı təşkil ediləcək.

Muzeydən bildiriblər ki, Hüseyn Cavidin zəngin yaradıcılığına həsr olunan konfransda elmi məruzə ilə iştirak etmək istəyən tədqiqatçılar iyulun 31-dək məruzələrinin tam mətnlərini [email protected] elektron ünvanına göndərə bilərlər.

Konfransdan sonra məruzələr toplusunun nəşri nəzərdə tutulur.

Bütün xəbərlər Facebook səhifəmizdə

loading...