Zəngin parazitoloji materiallar toplanır

AMEA-nın Zoologiya İnstitutunun Parazitologiya laboratoriyasının əməkdaşları Dəvəçi limanı, Abşeron yarımadası, Gəncə, Göygöl, Ağstafa, Tovuz, Şabran rayonları və Sankt-Peterburq şəhərində ekspedisiyada olublar. İnstitutdan SİA-ya verilən xəbərə görə, ekspedisiya zamanı əhli və vəhşi məməlilərdən, bitkilərdən, suda yaşayan heyvanlardan zəngin parazitoloji materiallar toplanıb.

Müvafiq parazitoloji üsullarla tədqiq olunan həmin materiallar 70 və 95 faizli spirtdə, həmçinin üç faizli formalində fiksə edilərək etiketləşdirilib. Helmintoloji materiallar üzərində laboratoriyada aparılan analizlər zamanı növlər müəyyənləşdirilib.

Tədqiqatlar zamanı pavloviski üsulu ilə ağcaqanad sürfələri də əldə edilib, yaxma üsulu ilə preparatlar hazırlanıb. Preparatlar romanovski-gimza üsulu ilə boyanıb.

Tədqiqat işləri davam edir.

Müəllif: Nailə Məhərrəmova

Bütün xəbərlər Facebook səhifəmizdə