Meyxanaçı Namiq Qaraçuxurlu Özbəkistanda çəkilmiş arxiv fotolarını üzə çıxarıb. SİA-nın məlumatına görə, ifaçı həmin şəkilləri sosial şəbəkədə paylaşaraq, meyxana sənətini ölkədən kənarda da tanıtdığını qeyd edib: “Köhnə şəkillər arasında sizin üçün yeni ola biləcək fotolar tapdım. Bölüşüb məlumat vermək istədim. Çünki bu arxivim olmaqla yanaşı, meyxana tarixidir. İllər öncə Özbəkistan respublikasının Taşkənd şəhərində solo konsertim keçirilib. Təəssüf ki, o vaxtlar sosial şəbəkələr yox idi. Özümün də arxiv toplamaq kimi həvəsim olmadığına çox heyifslənirəm. Demək olar ki, dünyanın 80 faiz ölkələrində sənətim meyxananı bu cür təbliğ etmişəm. Bu konsertlə yanaşı, oranın televiziya və radio kanallarında sənətim haqqında məlumatlar vermişəm. Kimdə görüntülər olsa, yardım edin. Yeri gəlmişkən, Özbəkistanda məlumat verdilər ki, dahi Vaqif Mustafazadə məhz bu səhnədə dünyasını dəyişib (məlumat yanlış da ol bilər). Amma konsert boyu sanki onun ruhunu hiss edirdim”.

Bütün xəbərlər Facebook səhifəmizdə