Xalq artisti Nazpəri Dostəliyeva ətrafında söz-söhbət bitmək bilmir. SİA-nın məlumatına görə, günlərdir ifaçının qardaşı qızı Pərvanə Dostəliyevanın sənətçinin və qardaş-bacısının haqda verdiyi açıqlamalar sosial mediada geniş müzakirə olunur.
Ancaq Dostəliyeva bütün bunlar əhəmiyyət verməyərək, sosial media hesabında yeni fotolarını yayımlayıb. O, paylaşdığı fotosuna bu sözləri yazıb: “Bir sənətkar olaraq hər zaman arxamca yaxşı da, pis də danışanlar olub. Gərək həyatda elə bir cümlə olasan ki, heç zaman sənə nöqtə qoya bilməsinlər. Dostlar, bu da yeni fotomdur. Bir az da bundan danışın. Qanımı daşıyanlar ürəyimin başındadır, hamısını da mən saxlayıram”.
Qeyd edək ki, Pərvanə Dostəliyeva bu iddiaları səsləndirmişdi: “İllər əvvəl paylaşa bilmədiyim dərdimi danışmağa qərar verdim. Qətiyyən məşhur olmaq fikrim yoxdur. İstəsəydim 24 yaşımda məşhur olardım. İstedadım var idi. Şərəfsiz, niyə mən müsabiqədə ikən ayağımdan çəkdin? Qardaşını öyrədirdin. İndi qardaşın Ağalar küçədə yatır. İtə yemək verilən kimi ona yemək verirlər. Allah sizin bəlanızı versin. Anama küçə adamı deyirdilər. Altı yaşım olanda atam Ağalar Dostəliyev mənə Zeynəb Dostəliyevanın mikrorayondakı evində təcavüz edib. Yalandan deyirəmsə, balam ölsün. İndiyəcən susmağımın səbəbi qorxmağım idi. Hazırda xaricdəyəm. Məni nənəm saxlayıb, amma nə atam, nə də bibilərim baxmayıb.
Anamı bədbəxt edib, küçələrə saldılar. Zeynəb anamı təhqir edirdi. İndi 72 yaşın var, bacın da səndən 10 il balacadır. Görün, nə gündəsiniz. Hamısını kişilərə görə edirdiniz. Kişilərin sayəsində bu günlərə gəlib çıxmısınız. Övladım bu dərdi eşitdi. Qızım özünü balkondan atırdı, anam icazə vermədi. Əgər, qızıma ölmüş olsa idi, Nazpərini gəlib, biçərdim. Süni gülüşləri var. Onların xoşbəxt olmağını görüb, yanıram. Anamın həyatını puç elədilər. Yaxşı, mənim günahım nə idi? Anama min dənə ad qoydunuz. Sizi yanasınız! Qardaşın İlqar Dostəliyev anama sataşmışdı. Qardaşın, mənim atam Ağalar kişi deyil. Kişi olsa idi, qızına ilk dəfə Zeynəbin blokunda, sonra 10 gün Zeynəbin evində təcavüz etməzdi. Nazpəri, səndən it kimi qorxurdum. Nazpəri məni yer üzündən yox edərdi. Hansı üzlə insanların qarşısına çıxırsan?”.
Bütün xəbərlər Facebook səhifəmizdə
.jpg)
USD
EUR
GBP
RUB
