Aşıq Ulduzun müğənni qızı Sədaqət Ulduz xına mərasimində bəyin olmamasını tənqid edənlərə cavab verib. SİA-nın məlumatına görə, o, verilişlərin birində bildirib ki, heç vaxt bəyin üzünü göstərməyəcək: "Elə bir borcum yoxdur ki, kiməsə hesabat verib. Heç kim kiminsə həyatına müdaxilə etməməlidir. Qəribədir, başıma pis hadisə gəlsəydi, yazardılar yazıq. Yaxşı da, pis də fikir deyənin, Allah ürəyinə görə versin".

Şairə Nazilə Səfərli isə "İş adamıdır. Yalan ayaq tutur yerimir. Toy olanda, hamı görəcək" deyərək, onu müdafiə edib.

Qeyd edək ki, Sədaqət Türkiyədə yaşayan iş adamına ərə getdiyini bildirib. Onun bir neçə gün əvvəl xına mərasimi olub. Məclisdə bəyin olmaması onunla bağlı dedi-qoduların yayılmasına səbəb olub. Bir çoxları Sədaqətin saxta toy etdiyini bildirib.

Bütün xəbərlər Facebook səhifəmizdə