"Bu şəhərdə"nin konsertində gözlənilməz hadisə baş verdi FOTO

Bu şəhərdə" komandasının Heydər Əliyev Sarayında keçirilən konsertində insident yaşanıb. SİA-nın məlumatına görə, konserti Rafael və Coşqun Aygün və Rəhimin parodiyası ilə açıblar. Daha sonra aparıcı Saleh Bağırovun təqdimatında "Turanbank" və "Meqafon" tərəfindən tamaşaçılar arasında keçirilən oyunun ilk qalibinə hədiyyə təqdim olunub. Bunun ardınca Elgiz və Əli Mirəliyevin parodiyası üçün efirə çıxan Rafael və Coşqun çıxışı yarımçıq kəsməyə məcbur olublar. Belə ki, tamaşaçılardan biri özündən gedib. Dərhal təcili yardım çağırılıb. Bəlli olub ki, epilepsiya xəstəliyi olan 30 yaşlarında gənc iflic keçirib. Ona ilkin yardım göstərildikdən sonra zaldan çıxarılıb və təcili yardıma təhvil verilib. Hazırda konsert öz axarı ilə davam edir. Qeyd edək ki, "Bu şəhərdə" komandasının Heydər Əliyev Sarayında "KefAl" adlı 3 gün davam edəcək konserti bu gündən start götürüb.

Bütün xəbərlər Facebook səhifəmizdə