Şanxayda “World Music Asia-2018” keçirirlib. Azərbaycanlı xanəndə Qoçaq Əsgərov Fransanın tanınmış caz ifaçısı Pier De Txeqomani ilə birgə festivalda cazla muğamın sintezini təqdim ediblər.
Q.Əsgərovun SİA verdiyi məlumata görə, proqramda “Bayatı- kür”, “Rast”, “Şur” muğamı, “Sarı gəlin” xalq mahnısı, “Şelter”, “Kondoktor”, “Old star” əsərləri yer alıb. Hər iki ifaçını Ələsgər Məmmədov (tar), əməkdar artist Kamran Kərimov (nağara), Vasif Hüseynzadə (pianino) müşayiət ediblər. Festivalın ilk günü, izdihamla keçən çıxışın ardınca, tamaşaçılar onları alqışları ilə yenidən səhnəyə qaytarıblar. Bu dəfə onlar Fikrət Əmirovun “Kor ərəb”in tamaşaçılarla birgə səsləndiriblər. Festivalın sonuncu günü 1000-dən çox tamaşaçı qarşısına çıxan azərbaycanlı və fransalı musiqiçinin çıxışı ən yadda qalan ifalardan olub. Onların hər bir çıxışı yerli və xarici KİV tərəfindən işıqlandırılıb.
Qeyd edək ki, Çində fəaliyyət göstərən nüfuzlu Fransa İnistitutu sözügedən festivala böyük dəstək olub.
Bütün xəbərlər Facebook səhifəmizdə
.jpg)
USD
EUR
GBP
RUB
