Günay İbrahimlinin hansı mahnısı həyatı ilə bağlıdır? MÜSAHİBƏ

Günay İbrahimlinin SİA-ya müsahibəsini sizlərə təqdim edirik:

- Özünüzü ulduz hesab edirsiniz?

- Parıldamadığıma görə özümü ulduz hesab etmirəm.

- Bəs Azərbaycanda ulduz hesab etdiyiniz həmkarınız var?

- Ulduzlar əlçatmaz olurlar. Azərbaycanda da elə müğənni yoxdur. Bəziləri özlərini əlçatmaz kimi göstərsələr də, hər birinə əl çatır.

- Sizi necə təqdim etsələr xoş olar?

- Sadəcə Günay İbrahimli kimi təqdim etsinlər. İnanın ki, soyadımla çağırılanda mənə çox xoş olur. 2007-ci ildə müsabiqələrdə iştirak etmişəm. O gündən də həmişə arzulamışam ki, məni adım və soyadımla tanısınlar.

- Bildiyiniz kimi müqəddəs Ramazan ayının günlərini yaşayırıq. Müsəlman bacı və qardaşlarımız oruc tutur. Bəs siz necə, oruc tutursunuz? 

- Allah bütün oruc tutanlara səbr versin və niyyətlərini qəbul etsin. Mən də tez-tez dualar edirəm. Təəssüf ki, bu il oruc tuta bilmədim. Ancaq ötən il 3 gün oruc tutmuşdum. Ancaq bütün ayı oruc tutmaq istəsəm də, mümükün olmadı. Səbəb isə səhhətimdə problemlər yarandı. Səhnədə çıxışım zamanı başım fırlanıb yıxıldım. Məncə belə oruc tutmaqdansa, xeyriyyə işi ilə məşğul olmaq daha yaxşıdır.

- Dini inanclara inanırsınızmı?

- Mən tez-tez “Ayətil kürsü”nü oxuyuram. O duanı gündə 7 dəfə oxumaq lazımdır. İndi hamının evində “Qurani-Kərim” kitabı var. Çoxları bu kitabı açmır sadəcə evlərinin yüksək yerlərində saxlayırlar. Ancaq hərdən açıb vərəqləmək lazımdır. Boş vaxtım olan kimi, Azərbaycan dilində “Qurani-Kərim” kitabını oxuyuram.

- Xeyriyyə tədbirlərində iştirak edirsinizmi? 

- Əlbəttə iştirak edirəm. Əgər digər işlərimə vaxt ayıra bilirəmsə, deməli bu cür tədbirlərə də qatılmalıyam. Onu da nəzərinizə çatdırım ki, avqustun 6-da Saray qəsəbəsindəki “Uşaqlar evinə” baş çəkəcəm. 

- Dünya ulduzları kliplərdən, konsertlərdən qazanır. Bəs sizin gəlir yeriniz nədir?

- Məlum olduğu kimi, bizdə yalnız toy biznesidir. Müğənniyə kariyerası üçün albom, klip və konsert lazımdır. Bunların da hamısı maddiyyata bağlıdır. Əgər səviyyəli işlərlə insanların qarşısına çıxmaq istəyirsənsə, o zaman kifayət qədər pulun olmalıdır.

- Azərbaycanda albomdan pul qazanan müğənnilərimiz varmı?

- Onu deyə bilərəm ki, Azərbaycanda albomdan pul qazanmaq mümkün deyil. Bildiyiniz kimi, internet çox sürətlə inkişaf edir və mahnılarımız da bizdən xəbərsiz yayılır. Bunun üçün də albomdan pul qazanmaq imkansızdır.

- Bildiyimiz kimi, sizin albomunuz yoxdur. Nə vaxtsa disk çıxarmaq fikriniz varmı?

- İnşallah, sentyabr ayından həm albom, həm də şəxsi internet səhifəmi açıb sevənlərimə təqdim edəcəm.

- Serialda çəkilmək istərdinizmi?

- Mən artıq həm komedya, həm də dram seriallarında rol almışam. Deyilənlərə görə, heç də pis alınmayıb.

- Nə üçün həmin serialları yarımçıq qoydunuz?

- Çünki seriallar mənim vaxtımı çox alır. Demək olar ki, günümün yarısını çəkiliş meydançasında  keçirirəm. Bu da mənim müğənnilik sənətimin arxada qalmasına səbəb olur. Nəzərinizə çatdırım ki, 1 il bundan əvvəl 3 sənətlə məşğul olurdum. Həm seriala çəkilib, həm kanallarımızın birində aparıcılıq edib, həm də müğənni kimi fəaliyyət göstərirdim. Təbii ki, bu da normal deyildi. Mütləq onlardan birində ləngimə baş verirdi. Mən də ifaçılıq sənətinə qayıtdım. Ən yaxşısı birini mükəmməl formada tamaşaçılara təqdim etməkdir.

- Bildiyimiz kimi, Kənan M.M də sizə serialda oynamaq təklifi etmişdi. Sizin cavabınız ona nə olmuşdu?

- Doğrudur, Kənan mənə təklif etmişdi. Ancaq söhbətimiz yarımçıq qaldı. Onunla söhbətim zamanı söyləmişdim ki, mənim vaxtla bağlı problemim var. Əgər çəkilişə getdimsə 8- 9 saat çəkiliş meydançasında olmalıyam. Ona görə də alınmadı.

- Sizə hansı sənət daha yaxındır?

- Təbii ki, müğənnilik. İkinci peçə kimi isə aktrisalığı çox sevirəm. Jurnalistika sənətini də çox bəyənirəm. Əgər səsim olmasaydı, bəlkə də jurnalistika fakultəsini bitirib, aparıcı ola bilərdim.

- Aparıcı olsaydınız necə verlişləri aparmaq istəyərdiniz?

- Kriminal verlişlərini aparmağı çox istəyərdim. Elə hiss edirəm ki, bu cür layihələri aparmağı bacarardım.

- Sizi bir vaxtlar İradə İbrahimovaya bənzədirdilər. Bu sizi narahat etmirdi?

- İradə İbrahimova sevdiyim, hörmət etdiyim sənətçilərdəndir. Doğrudur, üz cizgilərimizdə müəyyən qədər oxşarlıq var. Əgər İradə xanım kimi saç rəngimi və formasını dəyişsəm, əminəm ki, bənzəyəcəm. Əsas odur ki, eybəcər adama oxşatmayıblar.

Bir müddət bundan öncə xalq artisti Lalə Məmmədova ilə “De onun adı nədir” mahnısına görə söz-söhbtləriniz yaranmışdı. Buna səbəb nə idi?

- Lalə xanım da mənim ifa etdiyim “De onun adı nədir” mahnısını bəyənmişdi. Lalə xanım ən hörmət etdiyim müğənnilərdən biridir.

- Bir çox hit mahnılarınız var. Sizə daha çox yaxın olanı hansıdır?

- “Səndən öncə, səndən sonra” mahnısı. Əminəm ki, illər sonra da bu mahnı mənim üçün ən əziz mahnı olacaq. Sözügedən bəstə həyatımda dərin izlər qoyub.

- Söhbət nə kimi izlərdən gedir?

- O mahnının sözləri və musiqisi mənə yaxındır. Bir zamanlar yaşadığım sevgi ilə bağlıdır.

- Hazırda sevgi macərası yaşayırsınızmı?

- Yox. Ancaq hər bir qız kimi mən də sevib-sevilmək istəyirəm. İnşallah, gələcəkdə olar.

- Qarşınıza biri çıxsa və desə ki, ya sevgi, ya da sənət? Hansını seçərdiniz?

- Bilmirəm. Bəlkə qarşıma elə birisi çıxdı ki, gözüm kor oldu və onunla getdim. Ancaq hazırda sevgi də qalmayıb. Sanki sevgi ucuzlaşıb, adiləşib. Artıq sevgi əlçatan olub. Ona görə də sevgi azalıb.

- Sizcə, ifanızda hansı mahnı daha çox sevilib?

- Ətrafımda olanların sözlərinə görə, “Mən də sənə inanırdım” mahnısını çox bəyənirlər. Hətta məclislərə dəvət alanda belə mənə söyləyirlər ki, bu mahnımı çox sevirlər və ifa etməyimi istəyirlər. Kənardan tamaşaçı kimi baxsaq, “Məndə sənə inanırdım” və “De onun adı nədir” bəstələri tamaşaçılar tərəfindən daha çox dinlənilir.

- Bildiyimiz kimi, həmkarınız Ceyhun Əliyevlə birlikdə yeni duet yazdırmısınız...

- Bəli. “Söz verirəm” adlı mahnını birlikdə ifa etdik. Nəzərinizə çatdırım ki, bu mahnını Ceyhun keçən il solo ifa etmişdi. Daha sonra Ceyhun mənə duet oxumağı təklif etdi. Mən də böyük məmnuniyyətlə qəbul etdim.

Şəkillərə iri formatda baxmaq üçün üzərində klikləyin

Ceyran Əsgərova
cemile
20:21 08.12.2013

gunay ibrahimlini cox beyenirem

cemile
20:21 08.12.2013

salam

cemile
20:10 08.12.2013

gunay ibrahimlini cox beyenirem onun butun mahnilarina qulaq asiram son mahnisi soz olar mahnisini cox beyendim

məlahıt
13:15 30.11.2013

salamgünay

məlahıt
13:15 30.11.2013

salam

sultane
21:01 03.08.2013

Gunay ibrahimli adi heyatda daha gozel.sade .sehne performasida.mahnilari
da super...........butun mahnilarin da severek dinleyirem..........

Şərh yaz