Naqif Həmzəyev hansı təklifi verdi?

“2019-cu il Azərbaycan tarixində uğurlu islahatlar ili kimi yadda qalacaq. Vergilər sayəsində əldə olunan uğurlar hər birimizi sevindirir. Xüsusi ilə də nəğdsiz ödənişlərin artması çox uğurlu nailiyyələrdəndir”. SİA xəbər verir ki, bunu Milli Məclisdə Vergi Məcəlləsinə edilən dəyişikliklərin müzakirəsi zamanı YAP Gəncə şəhər təşkilatının sədri, deputat Naqif Həmzəyev bildirib. Belə ki, millət vəkili, daim vergi ödəyən və heç bir qanun pozuntusu etməyən sahibkarla digər sahibkarlar arasında rəqabət yaradılmasını, onları həvəsləndirməyi də təklif edib: “Çalışmalıyıq ki, vergi ödəyən sahibkarlar bunu sevərək etsinlər”

Sağlam həyat tərzinin təkcə Bakıda deyil, regionlarda da təbliğinə toxunan Naqif Həmzəyev regionlarda yoqa mərkəzlərinin, idman klublarının sayının çoxaldılmasına diqqəti çəkib: “Çox təssüflər olsun ki, bu sahədə böyük gəlirlər olmadığı üçün sahibkarlar bu səhəyə maraq göstərmirlər”.

Deputat, iqtisadiyyat naziri Mikayıl Cabbarova da müraciət edərək bildirib ki, yoqa, idman mərkəzləri açmaq istəyən gənc sahibkarlara güzəştlər tətbiq olunarsa bu problem aradan qaldırılar, sahibkarlar idmana yatırım edərlər.

Müəllif: Rövşən

Bütün xəbərlər Facebook səhifəmizdə

loading...