"Bank aktivlərini artırmaq, faizləri aşağı salmaq əhəmiyyətli olardı”

“2019-cu il ölkəmizin həyatında əhəmiyyətli hadisələrlə zəngin olub. Bu il kadr və struktur islahatları cəmiyyətimizə töhfə verməkdədir”. SİA-nın xəbərinə görə, bunu Milli Məclisin deputatı Fəzail Ağamalı, parlamentdə büdcə müzakirələri zamanı çıxış edərkən deyib.

O bildirib ki, iqtisadi sferada artım, biznes fəaliyyətinin asanlaşdırılması, vergi ilə bağlı həyata keçirilən islahatlar 2019-cu ilin uğurları kimi qiymətləndirilməlidir.

Onun sözlərinə görə, 2020-ci ilin büdcəsində təhsil xərclərinin 40 faizindən çox artması çox mühüm addımdır: “Növbəti ilin büdcəsində əks olunan rəqəmlər iqtisadi sosial inkişafımızı daha da yüksəlməsinə səbəb olacaq, qeyri-neft sektorunun inkişafında daha da irəliləyişlərin əldə olunmasına imkan yaradacaq”.

Ölkəmizdə kiçik və orta biznesin inkişafı üçün hərtərəfli şəraitin yaradıldığını deyən deputat söyləyib ki, orta və kiçik biznesin iqtisadi artımda rolunun daha da artırmaq üçün onun maliyyələşməsi daha da artmalıdır: “Bu ciddi uğurlara imkan yarada bilər”

F. Ağamalı çıxışı zamanı texniki peşə məktəblərinin əhatəsinin genişləndirilməsi, rayonlarda yeyinti, emal müəssisələrinin açılmasının vacibliyini qeyd edib.

O deyib ki, bank pul krediti sistemində islahatların sürətləndirilməsi ən öndə duran vəzifələrdəndir: “Bu istiqamətlə işlər həyata keçirilsə də, bütün bunlar daha da artırılmalıdır. Azərbaycanda bank aktivləri 17 milyard manatdır, aktivləri artırmaq, faizləri aşağı salmaq əhəmiyyətli olardı”.

Müəllif: Nailə Məhərrəmova

Bütün xəbərlər Facebook səhifəmizdə

loading...