AAK nümayəndələri Finlandiya parlamentinin Sosial-Demokratlar Partiyasından olan üzvü ilə görüşüblər
Avropa Azərbaycanlıları Konqresinin (AAK) nümayəndələri Finlandiya parlamentinin Sosial-Demokratlar Partiyasından (SDP) olan üzvü, siyasi elmlər doktoru, dosent Kimmo Kiljunen ilə görüşüblər.
SİA xəbər verir ki, görüşdə AAK-ın üzvü olan Finlandiya Azərbaycanlıları Assosiasiyasının (FAA) sədri, AAK nəzarət-təftiş komissiyasının sədri Vasif Muradlı, Azərbaycanlı Qadınlar Cəmiyyətinin sədri, AAK-ın baş katibi Arzu Oqtay, Finlandiya Azərbaycan Gənclər Birliyi Təşkilatının sədri Nəzrin Məcidli və müavini Ayla Zülfi iştirak ediblər.
Söhbət zamanı AAK-ın 15 illik fəaliyyəti dövründə gördüyü işlər, eləcə də digər diaspor təşkilatlarımızın işi barədə ətraflı məlumat verilib. Azərbaycanın müstəqilliyinin bərpasından ötən 28 ildə ölkəmizin sürətli inkişafının və əldə etdiyi uğurların əsası ulu öndər Heydər Əliyevin tərəfindən qoyulan dövlət siyasətinin Prezident İlham Əliyevin rəhbərliyi ilə qətiyyətlə həyata keçirilməsi sayəsində mümkün olduğu diqqətə çatdırılıb. Bununla yanaşı, Ermənistanın hərbi təcavüzü nəticəsində Azərbaycanın ərazisinin 20 faizinin 25 ildən çoxdur işğal altında qalması, ermənilərin son iki əsrdə xalqımızın başına açdığı müsibətlər, törətdikləri qanlı qırğınlar və soyqırımlarından söhbət açılıb.
Görüşdə deputat Kimmo Kiljunenə Heydər Əliyev Mərkəzi tərəfindən hazırlanan və Qarabağ həqiqətlərindən bəhs edən nəşr təqdim olunub.
Kimmo Kiljunen Azərbaycan ətraflı məlumata görə diasporunun nümayəndə heyətinə minnətdarlığını bildirib, Finlandiyanın ölkəmizin ərazi bütövlüyünü tanıdığını qeyd edib. O deyib ki, bu münaqişə Azərbaycanın ərazi bütövlüyü çərçivəsində tənzimlənməlidir. Dünya birliyi də bu yanaşmanın tərəfdarıdır.
Bütün xəbərlər Facebook səhifəmizdə
USD
EUR
GBP
RUB
