"Radikal müxalifət yenə regionda maraqları olan qüvvələrin əlində oyuncağa çevrilib’’ – Oqtay Hacımusalı

‘‘Radikal müxalifət yenə regionda maraqları olan qüvvələrin əlində oyuncağa çevrilib’’.

Bu sözləri SİA -ya açıqlamasında jurnalist Oktay Hacımusalı deyib. Jurnalistin sözlərinə görə, qış gələndə yuxuya gedən radikal müxalifətin lideri Əli Kərimli yenə xalqa müraciət edərək ölkədə nifaq toxumu səpməyə başlayıb. Oqtay Hacımusalı, əslində, radikal müxalifəti düşündürən məqamların güya ölkədə mövcud olduğunu iddia etdikləri siyasi-iqtisadi problemlər yox, məhz şəxsi maraqlar olduğunu sözlərinə əlavə edib: ‘‘Sözün düzü, bu müraciətə qulaq asanda mənə elə gəldi ki, Azərbaycan ya Anqoladır, ya da Somali, biz də acından ölmək üçün növbə gözləyən afrikalılarıq və başımızın üstündə də bir yırtıcı hazır dayanıb bizim ölümümüzü gözləyir böyük səbrsizliklə.

Bəli, Əli bəyin xalqa müraciətindən bunu görmək olur. Radikal müxalifət yenə regionda maraqları olan qüvvələrin əlində oyuncağa çevrilib ve onların ölkəmizdə yaratmaq istədiyi xaos və anarxiyanı bütün imkanları ilə dəstəkləyir. İndi də 28 sentyabra mitinq təyin ediblər.

Bunların əsl məqsədləri nədir? Xalqı, dövləti düşünürlər bunlar? Təbii ki, yox! Onların əsl məqsədinin erməni lobbisindən və xaricdəki anti-Azərbaycan qüvvələr tərəfindən gələn qrantlarla, bu mitinqlərdə yaratdıqları "mühacir biznesi" ilə ciblərini doldurmaqdır. Bunun üçün xalqa illərdir yalan danışırlar, dondan dona girirlər. 25 ildir eyni şüarları səsləndirmələri artıq xalqı da cana doydurub. Ona görə də bu radikal müxalifət "lideri"nə inananların sayı bir əlin beş barmağını keçmir.

Xalqı mitinqə səsləyən radikal müxalifət "lideri" olan bu şoumenler "Sem dayılarının" sifarişlərini həyata keçirmək üçün yenə mitinq dərdinə düşüblər. Onlar xaricdən aldıqları sifarişləri reallaşdırmaq üçün Azərbaycanı Suriyaya, Liviyaya və digər xaosun ağuşunda olan ölkələrin gününə salmaq üçün əldən gedirlər. Əlbəttə, Azərbaycan xalqı hər şeyin fərqindədir və bunların bu çirkin əməllərinin həyata keçməsinə imkan verməyəcək’’.

Bütün xəbərlər Facebook səhifəmizdə

loading...