YAP Pirallahı rayon təşkilatında hesabat yığıncağı keçirilib

Bu gün YAP Pirallahı rayon təşkilatının 2019-cu ilin I yarımilliyinin yekunlarına və qarşıda duran vəzifələrə həsr olunmuş hesabatı ilə bağlı tədbiri keçirilib. Tədbirdə çıxış edən rayon təşkilatının sədri Hikmət Şikarov Yeni Azərbaycan Partiyasının 1992-ci il noyabrın 21-də Ümummilli Lider Heydər Əliyevin rəhbərliyi altında formalaşaraq, siyasi həyata vəsiqə aldığını və xalqın partiyasına çevrildiyini söyləyib.

Qeyd edib ki, 17 iyul 2013-ci il tarixində Yeni Azərbaycan Partiyası Pirallahı rayon təşkilatının təsis konfransı keçirildi və yarandığı gündən rayonumuzun inkişafında və ictimai həyatında Yeni Azərbaycan Partiyası Pirallahı rayon təşkilatı mühüm rolu oldu. Partiyanın 6 ayı ərzində təşkilatın fəaliyyətinin uğurlu və məhsuldar olduğunu söyləyən H.Şikarov mədəni-kütləvi tədbirlərin keçirilməsində fəallıq nümayiş etdirdiyini vurğulayıb. Hesabat yığıncağında gündəlikdə duran rayon təşkilatı ərazi ilk partiya təşkilatlarının fəaliyyəti geniş müzakirələr və tövsiyələrlə yadda qaldı.

Gündəlikdə duran 3-cü məsələ - Yeni Azərbaycan Partiyası Pirallahı rayon təşkilatı gənclər birliyinin fəaliyyəti barədə məlumat verilib. Tədbirdə Pirallahı rayon Ağsaqqallar Şurasının sədri Fazil Məhəmmədov, icra nümayəndəliyi ərazi ilk partiya təşkilatının sədri Həsən Niftəliyev, 235 №-li orta məktəb ərazi ilk partiya təşkilatının sədri Şahin Allahverdiyev və digərləri Yeni Azərbaycan Partiyası Pirallahı rayon təşkilatının 2019-cu ilin ilk 6 ayı ərzində fəaliyyətini qənaətbəxş hesab ediblər. Tədbir Yeni Azərbaycan Partiyası Pirallahı rayon təşkilatının ictimai-siyasi həyatında fəal iştirak edənlərin Fəxri Fərmanla təltif edilməsi və partiya sıralarına yeni qəbul olunmuş bir qrup şəxsə partiya vəsiqələrinin təqdim olunması ilə yekunlaşıb.

R.NURƏDDİNOĞLU

Bütün xəbərlər Facebook səhifəmizdə

loading...