Ermənistanın hakimiyyəti öz hakimlərinə etibar etmir

Tədqiqatçılar Ermənistanın sabiq prezidenti Robert Koçaryanı həbsdən azad edən hakimin ofisində axtarış aparıblar. SİA xəbər verir ki, bu barədə Ermənistana məxsus aysor.am saytında məlumat yayımlanıb.

"Axtarış Xüsusi istintaq xidmətində araşdırma aparılan cinayət işinin bir hissəsi kimi aparılıb", deyə aysor.am-a xüsusi istintaq xidmətinin mətbuat katibi Marina Oqandjanyan bildirib.

Xatırladaq ki, 18 mayda hakim David Qriqoryan Dağlıq Qarabağın mövcud və keçmiş prezidentlərinin Bako Sahakyan və Arkady Ghukasyanın Ermənistanda keçmiş prezident Robert Kocharyanın həbsdən azad edilməsinə dair ərizəsini təmin etmək barədə qərar qəbul edib.

Görünür, Ermənistanın mövcud hakimiyyəti öz hakimlərinə etibar etmir və hədəfə aldığı kimlərsə barəsində xoşlarına gəlməyən qərar qəbul edən hakimlərə qarşı təzyiqlər etmək niyyətindədir.

Müəllif: İnam Hacıyev

Bütün xəbərlər Facebook səhifəmizdə

loading...