"Emosional çıxışlarla, çağırışlarla insanları qıcıqlandırmaq olmaz"

“Heç bir vəzifəli şəxs ərazi bütövlüyü bərpa edilmədən sülh danışıqlarına getməyib. Hər zaman demişik ki, sülh danışıqları ola bilər, amma ölkəmizin ərazi bütövlüyü bərpa edilsin”. SİA-nın məlumatına görə, bunu Milli Məclisin bu gün keçirilən plenar iclasında vitse-spiker Valeh Ələsgərov deputat Tahir Kərimlinin fikirlərinə münasibət bildirərkən deyib.

Vitse-spiker bildirib ki, Dağlıq Qarabağ probleminin həllində maraqlı qüvvələr var: “Emosional çıxışlarla, çağırışlarla insanları qıcıqlandırmaq olmaz. Siyasətdən xəbəri olan insan hər bir sözünə dəyər verməlidir”.

Deputat Tahir Kərimli çıxışında bildirib ki, ermənilərin bəyanatlarına inanmanmalıyıq: "Hər zaman onlar bizi təhqir ediblər. Əgər onların bizə qarşı 1 faiz belə meyli yoxdursa, o zaman burada hansı sülh danışıqlarından söhbət gedə bilər?".

Müəllif: Nailə Məhərrəmova

Bütün xəbərlər Facebook səhifəmizdə

loading...