Novruz Məmmədov iki şöbə müdirini işdən çıxardı

Nazirlər Kabinetinin iki şöbə müdiri işdən çıxarılıb. SİA-nın verdiyi məlumata görə, bu haqda baş nazir Novruz Məmmədov qərar imzalayıb. Qərara əsasən, Günəş Vəliyeva Nazirlər Kabineti Aparatının Hüquq şöbəsinin müdiri vəzifəsindən azad edilib və onun dövlət qulluğuna xitam verilib.

Baş nazirin digər qərarı ilə Nizami Bayramov Nazirlər Kabinetinin İşlər İdarəsinin Nəqliyyat xidməti şöbəsinin müdiri vəzifəsindən azad edilib.

Qərarla onun da dövlət qulluğuna xitam verilib.

Müəllif: Ceyhun Rasimoğlu

Bütün xəbərlər Facebook səhifəmizdə