Sabah Fransanın XİN rəhbəri Azərbaycana gələcək

Fransanın xarici işlər naziri Jan-İv le Drian mayın 27-i Azərbaycana səfər edəcək. SİA Fransa XİN-ə istinadən məlumat verir ki, səfər çərçivəsində fransalı nazirin Azərbaycanın xarici işlər naziri Elmar Məmmədyarovla, maliyyə naziri Samir Şərifovla və digər rəsmi şəxslərlə görüşü planlaşdırılır.

Səfər zamanı cari beynəlxalq məsələlər və Azərbaycanla Fransa arasında ikitərəfli münasibətlər müzakirə olunacaq.

Məlumata görə, J.İ.le Drian həmçinin 2016-cı ildə açılmış Fransa-Azərbaycan Universitetinə də baş çəkəcək. Məlumatda bildirilir: “Azərbaycan hökuməti tərəfindən tikilmiş universitetin ərazisində nazir Azərbaycan Xalq Cümhuriyyətinə həsr olunmuş Fransa arxivlərinin sərgisini açacaq”.

Müəllif: Ceyhun Rasimoğlu

Bütün xəbərlər Facebook səhifəmizdə

loading...