İTV-nin aparıcısı mətbuat katibi oldu

Diasporla İs üzrə Dövlət Komitəsinə yeni mətbuat katibi təyin edilib. SİA-nın verdiyi məlumata görə, bu vəzifə İctimai Televiziyanın şöbə müdiri və aparıcısı Vəsilə Vahidqızına tapşırılıb.

Vəsilə Vahidqızı İTV-də bir sıra aktual mövzularla yanaşı, diaspor mövzusunda da müzakirələrin aparıcısı olub. Bundan sonra da Dövlət Komitəsi dünyanın müxtəlif ölkələrindəki diaspor təşkilatları, Azərbaycan icmaları və ayrı-ayrı soydaşlarımızın fəaliyyəti bağlı ictimaiyyəti məlumatlandırmaqda davam edəcək. Dövlət Komitəsi İTV ilə birgə ixtisaslaşmış televiziya proqramını tamaşaçılara təqdim etməyi planlaşdırır. Bu layihə çərçivəsində Vəsilə Vahidqızı İTV ilə əməkdaşlığını davam etdirəcək.

Qeyd edək ki, bundan əvvəl mətbuat katibi vəzifəsində Esmira Xəlilova çalışıb.

Müəllif: Ceyhun Rasimoğlu

Bütün xəbərlər Facebook səhifəmizdə