Düzcə vilayətində konfrans vermək üçün bu bölgəyə səfər edən millət vəkili Qənirə Paşayeva Düzcə bələdiyyə başqanı Dursun Ay ilə görüşüb.
SİA-nın verdiyi məlumata görə, görüş zamanı Azərbaycanla Türkiyənin bəzi şəhərlərinin və bələdiyyələrinin qardaş şəhərlər və bələdiyyələr olduğunu bildirərək, qədim Düzcənin də Azərbaycan bölgələrindən biri ilə qardaş olaraq görmək istəyirik deyən Qənirə Paşayeva bələdiyyə başçısı ilə Dağlıq Qarabağ problemi, Xocalı soyqırımı, qondarma erməni soyqırımı iddiaları ilə bağlı da fikir mübadiləsi aparıb və yaxın zamanlarda Düzcə vilayətinin mərkəzi küçələrindən birinə Azərbaycan, mərkəzi parklardan birinə isə Qarabağ adının veriləcəyinə inandığını deyib və bu cür addımın atılmasının böyük əhəmiyyətindən, vacibliyindən danışıb.
Düzcədə Azərbaycan küçəsi və Qarabağ parkının dosta da, düşmənə də önəmli bir mesaj olacağını deyən millət vəkili Q.Paşayeva gənc nəsillərimiz üçün də bu addımın vacibliyini xüsusi vurğulayıb. Azərbaycanı çox sevdiyini deyən Düzc bələdiyyə başqanı Dursun Ay Türkiyənin və Azərbaycanın bir millət iki dövlət olduğunu vurğulayaraq Azərbaycanla bütün istiqamətlərdə əməkdaşlığın inkişafına xüsusi önəm və diqqət edəcəyini deyib. O, həmçinin qardaş bələdiyyələr məsələsi ilə də bağlı addımlar atılacağını, hər zaman qardaş Azərbaycanın yanında olduğunu və millət vəkili Qənirə Paşayevanın qədim Düzcədə Azərbaycan küçəsi və Qarabağ parkı abidəsi ilə bağlı təkliflərini müsbət qiymətləndirdiklərini bildirərək bu təkliflərə qısa zamanda mütləq baxılacağını və həllini tapacağını deyib.
Düzcə bələdiyyə başqanı Dursun Aya Azərbaycan tarixi, mədəniyyəti və Qarabağ həqiqətləri ilə bağlı materiallar hədiyyə edən millət vəkili Q.Paşayeva onu Azərbaycana dəvət edib. Azərbaycanı çox sevdiyini deyən bələdiyyə başqanı dəvəti böyük məmnuniyyətlə qəbul etdiyini deyərək qısa zamanda Azərbaycana səfər edəcəyini bildirib. O, millət vəkili Q.Paşayevanın Düzcede konfrans verməsinin gənclər üçün çox önəmli olduğunu xüsusi vurğulayaraq millət vəkilini yaxın zamanlarda təkrar Düzcəyə dəvət edib.
Millət vəkili Q.Paşayeva bələdiyyə başqanı ilə görüşə Düzcə Universtetində təhsil alan azərbaycanlı tələbələrn təmsilçilərini də aparıb onlaarı bələdiyyə başqanı ilə tanış edib və buradakı tələbələrimiz sizə əmanətdir deyərək onların ortaya çıxan məsələlərinin həllində bələdiyyə başqanının hər zaman dəstək olacağına ümidvar olduğunu deyib.
Q.Paşayeva bələdiyyə başqanından həmçinin azərbaycanlı gənclərin Azərbaycanla, Qarabağ həqiqətləri və Xocalı soyqırımı ilə bağlı Düzcədə keçirmək istdikləri tədbirlərə dəstək olmasını da xahiş edib və bununönəmindən danışıb. Bələdiyyə başqanı Dursun Ay bütün məsələlərdə tələbələrə dəstək olmağa çalışacağını bildirib və onlar bizə əmanət deyib.
Bütün xəbərlər Facebook səhifəmizdə
USD
EUR
GBP
RUB