Bayrağıma qurban olum

Göy rəngi - göylərin ənginliyidir,
Qırmızı - tarixin zənginliyidir,
Yaşılı - sabahın ümid rəngidir,
Bayrağıma qurban olum!

Ər yurdudur, ər kəndidir,
Şuşa, Laçın, Xankəndidir.
Qürur yeri, and yeridir,
Bayrağıma qurban olum!

O, gücümdür, qüvvətimdir,
Istiqlalım, qüdrətimdir!
Allaha əmanətimdir,-
Bayrağıma qurban olum!

Cəngi kimi havalansın,
Başım üstə dalğalansın,
100 yaşına 100 calansın!
Bayrağıma qurban olum!

Vətən üçün yaşamaq istəyirəm mən!

Mənim dualarım Vətən doludur,
"Vətən"lə başlayır arzularım da.
Elə yaşayım ki, ömür sürüm ki,
Vətənim göyərsin arzularımda!

Adını ucaldıb əməllərimlə,
Zirvəyə daşımaq istəyirəm mən.
Vətənçün ölmək də gözəldir, amma
Vətənçün yaşamaq istəyirəm mən!

Zəhra Əliyeva,
Bakı şəhər Binəqədi rayon 276 saylı tam orta məktəbin 6ç sinif şagirdi.

Bütün xəbərlər Facebook səhifəmizdə

loading...