Azərbaycan Dövlət Neft və Sənaye Universitetində (ADNSU) talassemiyadan əziyyət çəkən insanlara yardım məqsədilə könüllü qanvermə aksiyası keçirilib. ADNSU-dan SİA-ya bildiriblər ki, ali məktəbin əməkdaşları ilə yanaşı, tələbələr də qana ehtiyacı olan insanlara kömək üçün bu humanist tədbirə qoşulublar.
Bahadur Eyvazov adına Elmi-Tədqiqat Hematologiya və Transfuziologiya İnstitutunun Mərkəzi Qan Bankının xüsusi tibb briqadası tərəfindən hər bir donorun sağlamlığı müəyyənləşdirilib.
Qeyd edək ki, toplanan qan ehtiyatı yoxlanılaraq talassemiyadan əziyyət çəkənlərin müalicəsinə sərf olunacaq.
Bütün xəbərlər Facebook səhifəmizdə
USD
EUR
GBP
RUB