Xəbərdarlıq: "Taxma kirpiklər infeksiya yarada bilər"

Taxma kirpiklər təmiz istifadə edilməzsə, kirpik kökü infeksiyası yarada bilər. Bu barədə cərrah-oftalmoloq Mustafa Kılıç musavat.com-a məlumat verib. Onun sözlərinə görə, taxma kirpiklər allergiyalı insanların gözündə qaşınma, sulanma, qızarma kimi əlamətlər də yarada bilər: "Həmçinin, yapışdırıcıların tərkibi çox vacibdir. Yapışqan kanserogen maddədən hazırlanıbsa, xərçəng yarada bilər. Təbii ki, hamısı yox… Onların da yaxşısı və pisi var. Yaxşı olanların bu cür riski yoxdur”.

Oftalmoloq müntəzəm taxma kirpik istifadəçilərinə xəbərdarlıq edir: "Taxma kirpiklərdən gündəlik istifadə edildikdə kirpiklərin tökülməsinə də səbəb ola bilər. Kirpik diblərində yağı ifraz edən göz yaşı vəzilərimiz var. Hər gün kirpik yapışdırsaq, periferi xəstəliyinin yaranmasına səbəb ola bilər. Həftədə bir və ya ayda 1-2 dəfə istifadə etmək olar. Allergiyası olanların isə taxma kirpik taxması ümumiyyətlə, tövsiyə edilmir”.

Mustafa Kılıç xəstələri arasında taxma kirpiklərin "qurban”larının da olduğunu deyir: "Bizə müraciət edənlər arasında taxma kirpiklərdən gözləri allergiya verən, infeksiya yayılan, yapışqanı çıxara bilməyib, kirpiklərini qoparanlar da var”.

Bütün xəbərlər Facebook səhifəmizdə

loading...