İspan alimləri: D vitamini uşaqları astma xəstəliyindən xilas edir!

İspan alimləri belə qərara gəliblər ki, D vitamini uşaqları astma xəstəliyinin yaranmasından xilas edə bilər. Araşdırmalar zamanı alimlər təyin ediblər ki, havası tez-tez soyuq və nəm olan şəhərlərdə yaşayan uşaqlar astma xəstəliyinə daha çox meylli olurlar.

D vitaminin 90%-i günəş şüaları altında insan orqanizmində sintez olunur (yaranır) və heç bir qidadan bu vitaminin lazım olan miqdarını almaq mümkün deyil. Bundan əlavə ekspertlər xatırladırlar ki, məhz vitamin D vərəm xəstəliyinin qarşısının alınmasında böyük rol oynayır.

Soyuq ölkələrdə yaşayan insanlara həkimlər tövsiyyə edirlər ki, qida rasionlarına D vitamini tərkibli vitamin və mikroelement kompleksləri əlavə etsinlər və tez-tez isti ölkələrə getsinlər.

Bütün xəbərlər Facebook səhifəmizdə