“Ölkədə epidemioloji vəziyyət stabildir. Səhiyyə naziri hər il olduğu kimi bu il də yoluxucu xəstəliklərlə mübarizə üzrə əmr imzalayıb". SİA-nın məlumatına görə, bu barədə Azərbaycan Tibb Universitetinin Epidemiologiya kafedrasının müdiri, baş epidemioloq İbadulla Ağayev deyib.
O bildirib ki, respublika ərazisində qrip də, qripə bənzər kəskin respirator kütləvi şəkildə yayılması yoxdur: "Hər hansı bir zonada yoluxucu xəstəlik baş verərsə, Səhiyyə Nazirliyinə məruzə olunur. Ayrı-ayrı bölgələrdə, iri şəhərlərimizdə heç bir yoluxucu xəstəliyin yayılması müşahidə edilmir. Qrip dünyanın bütün ölkələrində var, o cümlədən də Azərbaycanda. Bundan sonra da olacaq”.
İ. Ağayev əlavə edib ki, bununla mübarizə aparmaq üçün ölkədə bütün tibb müəssisələri hazırdır: “Bəzən sual verirlər ki, nə üçün müxtəlif vaxtlarda vaksinasiya aparılmır? Biləsiniz ki, respublikamızda nə qrip, nə də qripə bənzər xəstəliklər epidemioloji həddi aşıb. Ona görə də biz onunla kütləvi şəkildə mübarizə aparmırıq. Epidemioloji səviyyədə olmadığından vaksinasiya aparılması absurddur. Amma bizim xəstəxanalarımıza və digər tibb müəssisələrinə müraciət edənlər müayinə olunur”.
Bütün xəbərlər Facebook səhifəmizdə
USD
EUR
GBP
RUB
