Cəlilabad rayonunda mal-qara oğruları saxlanılıb. "Report"un Muğan bürosunun məlumatına görə, saxlanılan şəxslər rayonun Sabirabad kəndində Valeh Babayevə məxsus 8 baş camışı oğurlayıblar.
Rayon polisinin keçirdiyi əməliyyat nəticəsində oğurluğu törətməkdə şübhəli bilinən Yardımlı rayon sakini İsaxan Sadiqov və Cəlilabad rayon sakinləri - Taleh Fərzəliyev və Səbuhi Abbasov saxlanılıb.
Məlumata görə, onlar oğurladıqları heyvanları Mahmudçalada yerləşən fermaya toplayıb, sonra Bakıdakı ət kombinatlarına göndərirmişlər. Faktla bağlı araşdırma aparılır.
Bütün xəbərlər Facebook səhifəmizdə